काठमाडौँ । पाटन संयुक्त क्याम्पस स्ववियुमा अनियमितता भएको हुनसक्ने आशंकमा सम्पूर्ण आय व्ययसम्बन्धी विवरण माग गरिएको छ । वि.सं. २०७९ मा सम्पन्न भएको स्ववियु निर्वाचनपश्चात निर्वाचित उक्त क्याम्पस अन्तर्गतको स्ववियुसँग वैज्ञानिक समाजवादी विध्यार्थी संगठन नेपाल, पाटन संयुक्त क्याम्पस समिति र विद्यार्थीहरुले चैत्र २८ गते देखि सूचना तथा विवरणको प्रमाणित प्रतिलिपि प्राप्त गर्न माग गरेका हुन् ।
तर विवरण उपलब्ध नगराइएपछि संगठनले क्याम्पसकाे स्ववियु कार्यालयमा तालाबन्दी समेत गरेकाे छ । उक्त मागलाई पाटन संयुक्त क्याम्पसले पनि गम्भीरताका साथ नलिई बेवास्ता गरेको वैज्ञानिक समाजवादी संगठन नेपालले आरोप लगाएको छ । स्वतन्त्र विद्यार्थी युनियन, पाटन संयुक्त क्याम्पसलाई, वैज्ञानिक समाजवादी विध्यार्थी संगठनले सुचना तथा विवरणको प्रमाणित प्रतिलिपि पाँउ भन्दै एक निवेदन मार्फत माग गरेको हो ।
संगठनले नेपालको संविधान धारा २७ मा उल्लेखित सूचनाको हक तथा साे सम्बन्धी ऐन २०६४ को दफा ३ र ७ अनुसार उक्त सुचना तथा विवरणको प्रमाणित प्रतिलिपि प्राप्त गर्न सकिने कुरा जनाएको छ ।
त्यस्तै २०७९ वर्षको सम्पन्न स्ववियु निर्वाचनले पाटन संयुक्त क्याम्पस अन्तर्गत उपलब्ध बजेटबारे पनि खुलाउनुपर्ने माग राखेको छ । निर्वाचित स्वतन्त्र विध्यार्थी युनियनले दुई वर्षको कार्यकालमा के कति आम्दानी गर्यो, त्यसको पनि खण्डीकृत विवरण सप्रमाण रुपमा देखाउनु पर्ने जिकिर गरेको छ ।
