काठमाडौं । सांसदहरुले आगामी वर्षको बजेटको विनियोजन प्रस्तावमाथि नै प्रश्न उठाएका छन् । उनीहरुले आगामी आर्थिक वर्षको बजेटमा बढी महत्वकांक्षी लक्ष्य राखिएको भन्दै यस्तो महत्वकांक्षा गलत भएको उनीहरुको मत छ ।
बजेटको तयारी तीव्र भइरहँदा सांसदहरुले विनियोजन प्रस्तावमाथि नै प्रश्न उठाएका छन् । शुक्रवार बसेको अर्थ समितिको बैठकमा आगामी वर्षको बजेटका सन्दर्भमा बोल्दै पूर्वअर्थमन्त्री एवं काँग्रेस सांसद डा. प्रकाशशरण महतले आगामी वर्षको बजेटको विनियोजन प्रश्ताव नै ठिक नभएको बताए ।
आगामी आर्थिक वर्षको लागि राखिएको विनियोजन र पुँजीगत तर्फको लक्ष्यमा नै समस्या रहेको बताए । बहुवर्षिय आयोजनाहरुका कारण दायित्व बढिरहेको भन्दै त्यसमा समेत सोच्नुपर्ने बला अएको उनको भनाई छ ।
सत्तापक्ष एमालेकै सांसद पदम गिरीले देशका समस्यालाई सम्बोधन गर्नेगरी बजेटमा कार्यक्रमहरु ल्याउन जरुरी रहेको बताए । ४ खर्ब बढी ऋणको सावाँ व्याज तिर्न खर्च गर्नुपर्ने अवस्था छ ।
यो बिडम्बनापूर्ण अवस्था भएको उनको भनाई छ । विगतमा पुँजीगत बजेट छुट्टाइएका परियोजनाहरुको खर्चको स्थिति ६० प्रतिशत ननाघेको समेत उनले बताए ।
अर्कातर्फ विदेशबाट ऋण लिएर बनाएका परियोजनाहरुको प्रतिफलको हिसावले हेर्दा अनुत्पादनशील क्षेत्रमा गएको भन्दै आगामी वर्षको बजेट बनाउदा ख्याल गरिनुपर्ने उनको सुझाव छ । अन्य सांसदहरुका धारणा पनि सुधार आवश्यकतामा केन्द्रित छन् ।
सांसदका यस्ता सुझाव आइरहँदा अर्थ समिति सभापति सन्तोष चालिसेले सही किसिमले बजेट नबन्दा माननीयहरुको क्षेत्रमा मानहानी हुन पुगेकोतर्फ सरकारलाई सचेत गराएका छन् ।
सरकारका तर्फबाट बैठकमा सहभागि अर्थसचिव घनश्याम उपाध्यायले सांसदका प्रश्नको जावाफ दिँदै आगामी बजेटको सन्दर्भमा अर्थ मन्त्रालयले प्रभावकारी रुपमै काम अघि बढाएको बताएका छन् ।
राजश्वबाट मात्रै विकासका कामहरु अघि बढाउन अर्पाप्त हुने भएकाले वैदेशिक सहायता लिनुपरेको सरकारको भनाई छ ।
आगामी बजेटमा अनिवार्य दायित्व, बहुवर्षिय आयोजनाहरुलाई स्रोत सुनिश्चित समेत गरिने छ । वैदेशिक सहायतामा संचालित आयोजनाको खर्च क्षमता पनि हेरिने बताइएको छ ।
