काठमाडौं । लफडा नै लफडाका बीच बल्न नेपाल बार एशोसिएशनको निर्वाचन अन्तिम चरणमा पुगेको छ । कानून व्यवसायीको थलोका रुपमा रहेको बारको केन्द्रीय नेतृत्वका लागि शनिबार मतदान हुँदैछ । निर्वाचनकालाई सबै पक्ष चुस्तदुरुस्त रहेको बताइएको छ ।
कानून व्यवसायीहरुको थलोका रुपमा रहेको नेपाल बार एसोसिएसनको २७ औँ केन्द्रीय कार्यसमितिको निर्वाचन शनिबार हुँदैछ । केन्द्रीय नेतृत्व चयनका लागि गर्न लागिएको निर्वाचनको सबै पक्ष चुस्त राखिएको बताइएको छ ।
मतदानको समय र केन्द्र कहाँ ?
- मतदानको समय शनिबार बिहान ८ बजेदेखि बेलुका ४ बजेसम्म
- मतदानका लागि काठमाडौंको रामशाहपथस्थित सर्वोच्च अदालत
परिसर र नेपाल बार एशोसिएशन परिसर गरि दुई ठाउँमा
- दुई ठाउँमा मतदान केन्द्र ३६ वटा
- मतदानमा सर्वोच्च अदालत, उच्च अदालत, विशेष अदालत र जिल्ला बार एशोसिएशन एवं कानून व्यवसायीको सहभागिता रहने
- ९ हजार ९९७ मतदाता सहभागी हुने
- मतदानमा सहभागी हुनका लागि कानून व्यवसायी परिषद्बाट जारी गरिएको परिचयपत्र वा कानून व्यवसायीको प्रमाणपत्र वा नागरिकताको प्रमाणपत्रमध्ये एक सक्कलै लिई उपस्थित हुनुपर्ने
बारको निर्वाचनमा को–को छन् मैदानमा ?
- ३ वर्षे कार्यकालका लागि २५ सदस्यको निर्वाचन हुँदै
- निर्वाचनका लागि सत्ता पक्षीय नेपाली कांग्रेस निकट डेमोक्रेटिक लयर्स एसोसिएसन (डीएलए) र नेकपा एमाले निकट पेसागत कानून व्यवसायी सङ्गठन (पीपीएलए) बीच गठबन्धन
- सत्तापक्षीय गठबन्धनलाई राजेन्द्र लिङ्देन नेतृत्वको राष्ट्रिय प्रजातन्त्र पार्टीनिकट कानून व्यवसायीहरूले समर्थन
- सत्ता पक्षीय लोकतान्त्रिक प्रगतिशील तथा देशभक्त कानून व्यवसायी समूह नाम दिइएको समूहबाट डीएलएका प्रा.डा. विजयप्रसाद मिश्र उम्मेदवार छन्, भने एमाले निकट पीपीएलएका केदार कोइराला महासचिवका उम्मेदवार छन् ।
- प्रतिपक्षी समूह नेकपा माओवादी केन्द्र निकट गणतान्त्रिक कानून व्यवसायी सङ्गठन (आरपीएलए) ले राष्ट्रिय स्वतन्त्र पार्टी (रास्वपा) निकट स्वतन्त्र कानून व्यवसायी सङ्गठन र नेकपा एकीकृत समाजवादी निकट कानून व्यवसायीहरूसँग मिलेर प्यानल बनाएको छ ।
- जसमा आरपीएलएका रमनकुमार श्रेष्ठ अध्यक्षका उम्मेदवार छन्, भने रास्वपा निकट कानून व्यवसायी यज्ञमणि न्यौपाने महासचिवका उम्मेदवार छन् ।
- यस समूहलाई नेकपा एसलगायतका दल निकट कानून व्यवसायीहरूले समर्थन गरेका छन् ।
