काठमाडौं । ई–बैंकिंङ र व्यक्तिगत वित्तमा महिलाहरूको सशक्तीकरणका निम्त्ति नारी टीभीले आज काठमाडौंको दुसित प्रिन्सेसमा डिजिटल वित्तीयका आधारभूत र आवश्यक सीप र संसाधनहरूको बिषयक कार्यक्रम आयोजना गरेको छ । डिजिटल सेवाहरूले वित्तीय व्यवस्थापन गर्ने तरिकालाई नयाँ आकार दिइरहेको युगमा टिभीले यसपटक ग्लोबल आइएमइ बैंकसंग सहकार्य गर्दै करिब १०० जना महिलाहरुको लागि सो सेचतना कार्यक्रम गरेको हो । 

नारी  सशक्तीकरण कार्यक्रमका अलावा महिला उद्यमसिलता प्रवद्र्धनका निमित्त यसअघिपनि कार्यक्रम गरिएको जानकारी नारी टिभीकी अध्यक्ष निकिता पौडेलले जानकारी दिइन् । ने

पालमा महिलाहरूले वित्तीय स्रोतहरूमा पहुँच र व्यवस्थापनमा अद्वितीय चुनौतीहरूको सामना गरिरहेका छन्। वित्तीय समावेशीकरणमा वृद्धि भएतापनि वित्तीय साक्षरता, डिजिटल बैंकिङ पहुँच र आर्थिक सहभागितामा अन्तर कायमै छ । यस पहलले महिलाहरूलाई उनीहरूको वित्तीय स्वतन्त्रता बढाउनका लागि तालिम र परामर्श प्रदान गरेर यस्ता खाडलहरूलाई कम गर्न उक्त कार्यक्रममा ग्लोबल आइएमइ बैंकका डिलन शाक्यले  डिजिटल साक्षरता र जागरुकताको विषयमा छलफल गराएका थिए । 

उक्त कार्यक्रममा मोबाइल बैंकिङबाट घरायसी कार्यहरु बिजुलीको बिल तिर्नेदेखि व्यवसायहरु कसरी गर्न सकिन्छ, सुरक्षित तरिकाले कसरी प्रयोग गर्ने लगायतमा सहजीकरणका विषयमा सहजिकरण गराइएको थियो । 

त्यस्तै कार्यक्रममा ग्लोबल बैंकको सेवा अन्य बैंकको सेवाभन्दा फरक र प्रभावकारी रहेको उल्लेख गरिएको थियो ।  सो कार्यक्रममा मोबाइल एपहरुबाटै लिन सकिने सुविधा सुरक्षित मोबाइल बैंकिङ सम्बन्धि विभिन्न भिडियो सामग्री प्रस्तुत गरिएको थियो । 

नेपालमा एउटा बैंकको शाखाले करिब चार हजार सात सय नब्बे जना ग्राहकलाई सेवा प्रदान गरिरहेको शाक्यले बताए । त्यस्तै नेपालको पचासी प्रतिशत नागरिकले मोवाइल बैकिङ सेवाको प्रयोग गरेको तथा मोवाइल बैकिङबाट के के सेवाहरु लिन सकिन्छ भन्ने विषयमा जानकारी दिए । सहभागीहरुले  बैकिङ सुरक्षा सम्बन्धि विभिन्न  जिज्ञासा राखेका थिए । 

साथै कामना सेवा विकास बैंकका राधे–राधे साखा प्रमुख गमला बनले वित्तिय अनुशासन र लक्ष्यको विषयमा प्रशिक्षण दिइन् । 

नेपालको सन्दर्भमा महिलाहरु राम्रो बचतकर्ता भएको उनले बताइन् । साथै घरायसी बजेट कसरी बनाउने ? किन आवश्यक छ ?  वित्तिय रुपमा महिलाहरु कसरी साक्षर हुने भन्ने विषयमा छलफल गराइन् । 

वित्तिय साक्षरता भनेको के हो ? वित्तिय साक्षरता किन आवश्यक छ ? पैसाको उचित व्यवस्थापन तथा वित्तिय लक्ष्य निर्धारण गर्ने विषयमासमेत सहजीकरण गरिएको थियो। 

त्यस्तै कार्यक्रममा सहभागी महिलाहरुले  वित्तिय क्षेत्रमा भोगेका समस्याका विषयहरुसमेत राखेका थिए ।