काठमाडौं । राजावादी प्रदर्शनको क्रममा सुरक्षाकर्मीले स्थिति नियन्त्रण लिन गोली प्रहार गरेको छ । गोलीबाट एकजनाको ज्यान गएको पुष्टी भइसकेको छ भने केहिको उपचार जारी छ । यस्तोमा प्रहरीले तीनकुने क्षेत्रको हिंसा नियन्त्रणमा के ग¥यो ? यो विषय आम चासोमा छ ?

चैत्र १५ गतेको राजावादी प्रदर्शनको क्रममा तीनकुने क्षेत्रमा भड्किएको हिंसा नियन्त्रण गर्न सरकारले बल प्रयोग ग¥यो । बल प्रयोगको क्रममा सरकारले अश्रुग्यासदेखि गोली प्रहार गर्दा यसमाथिका प्रश्नहरु छरपष्ट भएका छन् । यता, सुरक्षाकर्मीले कति गोली चलायो भन्ने विवरण पनि सार्वजनिक भएको छ । 

प्रहरीका अनुसार त्यो दिन सुरक्षाकर्मीले ६० राउण्ड गोली प्रहार गरेको पाइएको छ । जसमा हवाई फायरदेखि घुडामनि गोली हानिएको प्रहरीले दाबी गरेको छ ।

यहि ६० राउण्डमै एक गोली कीर्तिपुरका २९ वर्षीय सविन महर्जनलाई लागेर उनको मृत्यु भएको थियो । ५० राउन्ड गोली मध्ये २ राउण्ड पेस्तालबाट चलेको थियो ।

अन्य के भयो ?

– ७४६ राउण्ड अश्रुग्यास प्रहार

– १९२ राउण्ड खाली प्रहार (आवाज मात्रै आउने गरि)

– काट्रिज (छर्रा) २३९ राउण्ड

राजावादी प्रदर्शनको क्रममा प्रहरी ५५ जना, सशस्त्र प्रहरी २२ जना र प्रदर्शनकारीमा ५२ जना घाइते भएको बताइएको छ ।

सरकारको अपिल

सरकारले भने राजावादी प्रदर्शनमा सहभागि नहुन सर्वसाधारणमा अपिल गरेको छ । राजावादी दल राष्ट्रिय प्रजातन्त्र पार्टीले चैत्र २६ गते प्रदर्शनको तयारी गरेको छ । त्यो प्रदर्शनलाई केन्द्रमा राख्दै सरकारले यस्तो अपिल गरेको बुझिएको छ ।

सरकारले राजावादी प्रदर्शनको मुख्य दोषी समेत पूर्वराजा ज्ञानेन्द्र शाहलाई भनेको छ । पूर्वराजाले तीनकुने घटनाको जिम्मेवारी लिनुपर्ने आवाज गणतन्त्रवादी दलहरुले समेत लगाउदै आएका छन् । 

निर्मल निवासको खण्डन

निर्मल निवासले भने पुर्वराजा ज्ञानेन्द्र शाहलाई तीनकुने घटनामा जोडेर अतिरञ्जना गरिएको आरोप लगाएको छ । निर्मल निवासका सम्वाद सचिव फणि पाठकले दरबार र पूर्वराजालाई तीनकुने घटनामा जोड्ने गलत काम भएको भनेका छन् । उनले पोखराबाट फर्किदा कुनै अप्रिय घटना नभएको स्मरण गर्दै पूर्वराजाको कुनै गलत मनशाय नभएको दाबी गरेका छन् । पूर्वराजाले देशमा शान्ति र सहअस्थित्व नै चाहेको उनको जिकिर छ ।