काठमाडौं । गणतन्त्र भर्सेस राजतन्त्रको मामला चर्केकाबेला यी दुबै पक्ष आफ्नो शक्ति प्रदर्शनलाई चरम बनाउने प्रयासमा छन् । शुक्रबार दुबै पक्षले काठमाडौं केन्द्रित शक्ति प्रदर्शन गर्ने तयारी गर्दैगर्दा सुरक्षा संवेदनशिलतामा विशेष चासो देखिएको छ । काठमाडौंको शुक्रबारको प्रदर्शनमा कसको समर्थन कसलाई छ त ? कुन दल कुन कित्तामा उभिएका छन् । प्रदर्शनको मुडमा रहेका यि शक्तिलाई व्यवस्थित बनाउन सुरक्षा योजना के–कस्ता बन्दैछन् त ?

शुक्रबार काठमाडौँको परिदृष्य गरम देखिने छ । मुलुकको व्यवस्था नै परिवर्तन गर्छौं भन्ने जमातले एकातर्फ आफ्नो शक्ति प्रदर्शन गर्दै गर्दा अर्को पक्षले गणतन्त्रको पक्षमा जनमतको अवस्था देखाउछौं भन्दै शक्ति प्रदर्शन गर्दैछ । 

   यो प्रदर्शनलाई शान्तिपूर्ण बनाउन राष्ट्रिय मानव अधिकार आयोगले अपिल गरिसकेको छ । यता, रास्वपा लगाएतका केही दलले समाजवादी मोर्चा वा पूर्वराजाको समर्थन कुनै पनि प्रदर्शनमा साथ नदिएर तटस्थ बस्ने बताइसकेको छ । दुवै शक्तिले अशान्ति मच्चाउने अवस्था देखिन्छ । 

दुई विपरित शक्ति चरम अवस्थामा पुग्ने मुडमा देखिएकाले आमनेसामने हुनसक्नेतर्फ सचेत हुनुपर्ने अवस्था आएको छ । त्यसैले सुरक्षा व्यवस्थाका लागि योजनासहित कार्यक्षेत्रमा खटिने तयारी सुरक्षा क्षेत्रको छ । 

प्रदर्शनकारी को कहाँ ? र, कसले के  गर्ने ?

- काठमाडौंको प्रदर्शनीमार्गमा गणतन्त्र पक्षधर समाजवादी मोर्चाको प्रर्दशन
 
-   काठमाडौंको तीनकुनेमा राजावादी समूहको प्रदर्शन  

-   समाजवादी मोर्चामा आवद्धहरु– नेकपा (माओवादी केन्द्र), नेकपा (एकीकृत समाजवादी), नेपाल समाजवादी पार्टी र विप्लव नेतृत्वको नेकपा 

-   मेडिकल व्यवसायी दुर्गा प्रसाईं नेतृत्वको ‘राष्ट्र, राष्ट्रियता, धर्म, संस्कृति र नागरिक बचाउ महाअभियान’को व्यानरमा पूर्वराजाका समर्थकहरूले 

तीनकुनेमा प्रदर्शन गर्ने 

-  नवराज सुवेदी समूहले दुर्गा प्रसाईंकै प्रदर्शनलाई समर्थन गर्ने 

-  बिहिवार पत्रकार सम्मेलनमाफर्त राजतन्त्र पुनःस्थापना गरेरै छाड्ने नवराज सुवेदीको चेतावनी 

प्रदर्शनकारीको  कित्ताकाट 

-  पूर्वराजाका समर्थकलाई चक्रपथभन्दा बाहिर मात्रै जुलुस निकाल्न दिइने 

-  जसअनुसार चाबहिलबाट तीनकुने र सातदोबाटो हुँदै तीनकुनेसम्म रुट प्रदान 

-  भक्तपुरतर्फबाट आउने पूर्वराजा समर्थक तीनकुनेमा रोकिने 

-    भक्तपुरतिरबाट आउने समाजवादी मोर्चाका समर्थक सवार गाडीलाई प्रहरीले कोटेश्वरबाट बालकुमारी तर्फ डाइभर्सन गरेर पठाउने

-    समाजवादी मोर्चाले बबरमहलबाट माइतीघर र त्रिपुरेश्वर हुँदै प्रदर्शनीमार्गसम्म जुलुस निकाल्ने गरि रुट प्रदान 

-    कुपण्डोलमा भेला हुने मोर्चाका समर्थक त्रिुपरेश्वरबाट घुमेर प्रदर्शनीमार्ग पुग्ने

-    सो¥हखुट्टेबाट पकनाजोल र जमल हुँदै त्रि–चन्द्रतर्फ जुलुस निकाल्न समाजवादी मोर्चालाई रुट प्रदान 

-    १ हजार स्वयंसेवक परिचालन गर्ने 

कसरी गरिदैछ सुरक्षा व्यवस्थापन ?

-  सम्भावित मुठभेड रोक्न उपत्यका प्रहरी कार्यालयले तीनकुने र प्रदर्शनीमार्गमा प्रहरी परिचालन गर्ने 

-    प्रहरी वरिष्ठ उपरीक्षकको नेतृत्वमा ३५ सय प्रहरी खटाउने उपत्यका प्रहरी कार्यालयको योजना 

-    सुरक्षा कमाण्ड जिल्ला प्रहरी परिसर काठमाडौँका प्रहरी वरिष्ठ उपरीक्षक (एसएसपी) विश्व अधिकारीले गर्ने 

-   प्रदर्शन स्थलमा एसपी अपिल बोहराले खटिने 

-    आवश्यकता अनुसार एसएसपी अधिकारीले कमाण्ड सेन्टर र फिल्डमा नै गएर सुरक्षा व्यवस्थापन गर्ने

-   भद्रकालीस्थित जिल्ला प्रहरी परिसर काठमाडौँको कार्यालयमा ‘कमाण्ड सेन्टर’ स्थापना 

-   कमाण्ड सेन्टरबाट काठमाडौँका प्रमुख जिल्ला अधिकारी ऋषिराम तिवारी, एसएसपी विश्व अधिकारी र सशस्त्र प्रहरी बलका प्रतिनिधिले सुरक्षा निगरानी गर्ने 

-    प्रदर्शनमा अवैध गतिविधि नियन्त्रण गर्न सादा पोसाकका प्रहरीलाई परिचालन गर्ने

-    सूचना संकलन गर्न सादा पोसाकमा प्रहरी कर्मचारी खटाइने 

यसरी काठमाडौंको सुरक्षा व्यवस्थालाई चुस्त र व्यवस्थित बनाउने योजनासहित सुरक्षा निकाय अघि बढेको छ । यद्दपी, संवेदनशिलता उच्च रहेकाले कुनै अप्रिय घटना हुन नदिन निकै चनाखो हुनु सुरक्षा निकायका लागि चुनौति समेत रहेको छ ।