काठमाडौँ । नेपाल अन्तर्राष्ट्रिय नाट्य महोत्सवको तेस्रो  संस्करण सुरू भएको छ । बुधवार काठमाडौंको मण्डला नाटकघरमा महोत्सव सुरू भएको हो ।

उद्घाटन कार्यक्रममा बोल्दै अभिनेता दयाहाङ राईले आफूहरुको भोगाइ, यात्राको अनुभव साटासाटका रुपमा महोत्सवलाई अघि बढाइएको बताए । उनले रैथाने ज्ञानको उज्यालोको रुपमा महोत्सवलाई लिएको बताए ।

अग्रजले दिएको सीप, ज्ञानलाई लिएर त्यही मार्गदर्शनबाट आफूहरु अघि बढिरहेको उनकाे भनाइ छ । उनले आफूहरुले जानेको ज्ञान आउँदो पुस्तामा पुस्तान्तरण गर्नका लागि महोत्सव गरिएको बताए ।

अभिनेता राईले रैथाने समाजको बारेमा एकीकृत भएर महोत्सवमा छलफल गर्ने बताए । महोत्स्वमा १२ देशका पाहुनालाई स्वागत गरिएको उनले दाबी गरे ।