कैलाली । सुदूरपश्चिम प्रदेशमा कार्यरत लेखा समूहका अधिकृतस्तरका कर्मचारी यतिबेला आन्दोलित छन् । लेखा समूहको नवौं तह पद् बढुवाको विज्ञापन खोल्नु पर्ने माग गर्दै उनीहरू मुख्यमन्त्री तथा मन्त्रीपरिषद् कार्यालयमा धर्ना दिइरहेका छन् । प्रदेश सरकारले अन्यायपूर्ण तरिकाले प्रदेश निजामती ऐन र नियमावली जारी गरेको भन्दै लामो समयदेखि आन्दोलनमा रहेका लेखा समूहका कर्मचारीले सोही ऐनमा टेकेर लोकसेवा आयोगले समान्य प्रशासन सेवा समूहको मात्र विज्ञापन गरेको उनीहरुको गुनासो छ । 

सुदूरपश्चिम प्रदेशमा अधिकृत स्तरका कर्मचारीले बुधवारदेखि मुख्यमन्त्री तथा मन्त्रीपरिषद् कार्यालयमा धर्ना दिएका छन् । लेखा समूहको नवौं तह पद् बढुवाको विज्ञापन खोल्नुपर्ने माग गर्दै उनीहरूले धर्ना दिएका हुन् । प्रदेश लोकसेवा आयोगले गत फागुन २० गते प्रशासन समूहको नवौं तह बढुवाको विज्ञापन निकालेको थियो । 

प्रदेश लोकसेवा आयोगले गत फागुन २० गते प्रशासन समूहको नवौं तह बढुवाको विज्ञापन निकालेको थियो ।  प्रशासनतर्फको मात्रै विज्ञापन खोलेपछि आफूहरू अन्यायमा परेको लेखा समूहको ठहर छ । 

सरकारले अन्यायपूर्ण निजामती ऐन र नियमावलीमा टेकेर अन्य समूहका कर्मचारीलाई रोकेर समान्य प्रशासन समूहका लागि मात्र लोकसेवा आयोगबाट बढुवा गर्न विज्ञापन गरेको भन्दै तत्काल खारेज गर्नुपर्ने माग पनि उनीहरुको छ ।

सुदूरपश्चिममा लेखा समूहतर्फ अधिकृतस्तरका २५ जना कर्मचारी कार्यरत रहेको जनाइएको छ । तीन बुँदे माग राख्दै एक हप्तादेखि लेखा समूहका कर्मचारीको सङ्घर्ष जारी छ । ३ महिना अघिदेखि नै आन्दोलन गरेका उनीहरुलाई मुख्यमन्त्रीले माग पुरा गर्ने आश्वासन दिए पनि पूरा नभएपछि पुनः आन्दोलित भएको बताएका छन् ।  

आफूहरुको माग पूरा नभएसम्म मुख्यमन्त्री कार्यालयमा धर्ना जारी राख्ने उनीहरुको अडान छ । लेखा समूहका कर्मचारीको आन्दालनका कारण प्रदेश लेखा नियन्त्रक कार्यालयसहित नौवटै जिल्लाका कार्यालयबाट आर्थिक प्रशासनका काम ठप्प भएका छन् ।