कास्की । नेपालीहरूको महान् पर्व होली, विहीबार पहाडी तथा हिमाली जिल्लामा मनाइरहँदा गण्डकी प्रदेशमा पनि मनाइएको छ । होली पर्वको क्रममा पोखरामा भने नेपाली मात्र नभई विदेशी पर्यटकले समेत होली मनाएका छन् ।
नेपाली संस्कृतिलाई आत्मसात् गर्दै रंग, अबिर, संगीत र नृत्यसँगै विदेशी पर्यटकले होली मनाएका हुन् । उता, स्याङजामा सिङ्गो गण्डकी गाउँपालिकाले एकै ठाउमा रमाइलो गरेर होली उत्सव मनाएको छ ।
नेपालीहरूको महान् पर्व होली पोखरामा नेपाली मात्र नभई विदेशी पर्यटकको उल्लेख्य सहभागितामा मनाइएको छ । पोखरा लेकसाइडका गल्लीहरू र पर्यटकीय क्षेत्र रंगमय बने ।
विदेशी पर्यटकले नेपाली संस्कृतिलाई आत्मसात् गर्दै रंग, अबिर, संगीत र नृत्यसँगै होली मनाए । उनीहरूले स्थानीय तथा अन्य पर्यटकहरूसँग मिलेर पारम्परिक शैलीमा रंग खेल्दै उत्सवमा रमाए । विशेष गरी लेकसाइड क्षेत्रमा पर्यटकहरू आपसमा रंग छ्यापाछ्याप गर्दै, नेपाली गीतहरूमा नाचगान गर्दै रमाइरहेका देखिन्थे।
पोखराको प्रमुख पर्यटकीय स्थलहरू लेकसाइड, हल्लनचोक, लेकसाइड, ड्यामसाइड, कोमागने पार्क लगायतका क्षेत्रमा विशेष होली कार्यक्रमहरू आयोजना गरिएका थिए ।
यी कार्यक्रममा स्थानीय संगीत समूह तथा डीजेहरूले माहोल तताएका थिए भने विदेशी पर्यटक नाचगान गर्दै उत्साहित भए । एक आपसमा रंग दलेर मनाउने यस पर्वमा सहभागी हुन पाउँदा पर्यटकहरु निकै खुसी देखिए ।
होली पर्व अथवा फागु पूर्णिमा खासगरी नेपाली तथा भारतीयहरूले प्रत्येक वर्षको फाल्गुण शुक्ल पूर्णिमा दिनमा मनाइने हिन्दूहरूको प्रमुख चाड हो ।
होलीको दिन मानिसहरूले एक अर्कामाथि विभिन्न प्रकारका रङ्गहरू लगाएर रङ्गिन बनाउँछन् । पोखराको होली पर्वमा उल्लेख्य विदेशी पर्यटकको सहभागिताले पर्यटन सम्बद्ध संघ सस्था तथा पर्यटन व्यवसायीलाई थप उत्साह ल्याएको छ । यसले पर्यटन थप चलायमान र पर्यटन प्रवद्र्धनका साथै नेपाललाई विश्वसामु चिनाउन सहयोग पुग्ने विश्वास गरिएको छ ।
पोखरामा विदेशी पर्यटक होलीमा रमाइरहँदा स्याङजाको गण्डकी गाउँपालिकाले नै आयोजना गरेर पालिकास्तरीय होली उत्सव मनाएको छ । धार्मिक सँस्कृतिक तथा सहिष्णुता जोगाउन भन्दै छ वटा वडा रहेको कालिगण्डकी गाँउपालिकाले वडा नं ३ स्थित भुष्टुङमा होली विशेष कार्यक्रम गरी होली मनाएको हो ।
टोल टोलमा समुह समुह भई खेलीने होली भन्दा सिंगै पालिका एकै स्थानमा भई होली खेल्दा चाडवर्पको नाममा रङको दुरुपयोग नहुने, मदिरा सेवन गरि झै झगडा गर्नेको संख्या पनि कमि हुने र एउटा वडाको वासिन्दाले अर्को वडाको बासिन्दालाई चिन्ने मौका मिल्ने भएकोले पालिकास्तरिय सामुहिक होली कार्यक्रम गरेको जनाएको छ ।
होली खेल्न कालिगण्डकी गाँउपालिका भित्र रहेका विभिन्न वडाका २६ टोली आफ्नो संस्कार सस्कतिसंग सम्बन्धीत विभिन्न जातजातीको भेषभुषामा सजिएर भेला भएका थिए । एकै स्थानमा होलीसहित स्थानीय परिकार ,शिविर तथा विबिध सांस्कृतिक कार्यक्रम अवलोकन गर्न पाँउदा स्थानीय उत्साहित देखिए ।
कालिगण्डकी प्रज्ञा प्रतिष्ठानको सहजीकरणमा गरिएको कार्यक्रममा विभिन्न जात जातिबाट निर्मित खानाका परिकार प्रदशनी, साठी बर्ष काटेका जेष्ड नागरिकालाई निःशुल्क शिविर सहित सरुवा रोग सम्बन्धी स्क्रिनिङ तथा खोजपड्ताल सिविर समेत गरिएको थियो । धार्मिक तथा सांस्कृति पर्यटन प्रवद्र्धनका लागि होली जस्ता विभिन्न पर्वहरु महत्वपूर्ण बनेका छन् । यस्ता पर्वले पर्यटन प्रवद्र्धन र विकासमा महत्वपूर्ण योगदान दिएको छ ।
