कास्की । देशभरका स्थानीय तहहरुले आफ्नो स्थापना दिवस मनाउदै गर्दा कास्कीको रुपा गाउँपालिकामा फरक दृष्य देखिएको छ । यस गाउँपालिकाले केवल औपचारिकतामा सीमित रहेर मात्रै स्थापना दिवस मनाएको छैन । हरेक जातजाति, धर्म र संस्कृतिको उत्सवका रुपमा दिवस मनाउँदा यो साँच्चीकै महोत्सव भन्दा फरक थिएन । 

विभिन्न स्थानीय तहहरुले स्थापना दिवसमा थरिथरीका कार्यक्रमहरु गरिरहेका छन् । यहीक्रममा कास्कीको रुपा गाउँपालिकामा समेत उत्सवको माहोल देखियो । 

यस गाउँपालिकाले केवल औपचारिकतामा सीमित रहेर मात्रै नभई हरेक जातजाति, धर्म र संस्कृतिको उत्सवका रुपमा स्थापना दिवस मनाउँदा यो साँच्चीकै महोत्सव भन्दा कम थिएन । 

विभिन्न जानजातिका कला, सांस्कृतिक झाँकी, पुराना इतिहास झल्काउने सामाग्रीको प्रदर्शनी, कृषि प्रदर्शनी, सम्मान, स्वास्थ्य शिविर, खेलकुद लगायतका गतिबिधिले बेग्लै रौनकता थपेको थियो । सम्पूर्ण गाउँ र गाउँले जीववनको झझल्को दिने परम्परागत सामाग्रीले नयाँ पिडीलाई गाउँले जिवनको पाठ सिकाउदै थियो । यी दृष्यहरु हेर्दा लाग्ला की यो कुनै मेला–महोत्सव हो । तर, यो रमाइलो र यो सहभागिता कुनै मेला महोत्सवको नभइ कास्कीको रुपा गाउँपालिकाको स्थापना दिवसको हो । 

पालिकाले मनाएको स्थापना दिवसको समारोह केवल औपचारीकतामा मात्र सिमित थिएन । २२ हजार  जनसंख्या रहेको रुपा गाउँपालिकामा स्थापना दिवसकै अवसरमा कुनै टोल पनि नछुटाइकन गाउँलेहरु निकै बाक्लो संख्यामा उपस्थित थिए । गाउँलेको मुहारमा छाएको खुशीको संदेश थियो स्थानीय सरकारको कामकारवाहीबाट हामी सन्तुष्ट छौँ । 

पछिल्लो समय सामाजिक संजालमा व्यवस्था प्रति असन्तुष्टि जनाउनेहरु देखिन थालेका  छन् । तर, रुपा गाउँपालिकाका जनता भने संघीयता र त्यसले रुपा गाउँलाई दिएको विकास प्रति स्थानीयहरु निकै सन्तुष्ट देखिए । जसको प्रमाण थियो पालिका स्थापना दिवसको अवसरमा देखिएको यो बाक्लो उपस्थिती । 

स्थानीयकै साथ र सहयोगले रुपा गाउँले दुर्गमको परिचय फेरेर सुगम तर्फ उन्मुख भएको पालिकाका प्रमुख नवराज ओझाको बुझाइ छ । 

सातवटा वडा रहेको पालिकामा हरेक वडामा सुविधा सम्पन्न स्वास्थ्य केन्द्र र पालिकाको आफ्नै अस्पताल छ । डाँडाँकाडाँ मात्रै रहेको पालिकाका हरेक घरमा धारा पुगेका छन् । २२ सय घर परिवार स्वरोजगार छन् । पालिकामा रहेको १ सय ८० किलोमिटर सडकमा ९० किलोमिटर सडक पक्कि बनेको छ । यस्तै यस्तै पुर्वाधारको कारण रुपा गाउँपालिका उत्कृष्ट गाउँपालिका बन्न सफल छ । 

जनताले अर्काको मुख ताक्ने होइन, स्थानीय सरकारसँगै मिलेर काम गर्यो भने समृद्धि सम्भव छ भन्ने गतिलो नमुना बनेको छ, रुपा गाउँपालिका ।