सिड्नी । नारीनिकुञ्ज अष्ट्रेलियाले अन्तर्राष्ट्रिय महिला दिवस २०२५ भव्यताका साथ मनाएको छ । नारी निकुन्ज अस्ट्रेलिया (एनएन) र नोरेश नेशन फाउन्डेशन (एनएनएफ) को सहकार्यमा महिला स्वास्थ्य, पोषण, र सशक्तिकरणलाई केन्द्रमा राखी अट्रेलियाको सिड्नीमा यो कार्यक्रम गरिएको हो । 

न्यू साउथ वेल्स सरकार अन्तर्गत (वुमन एएसडब्लू) को वित्तीय सहयोगमा आयोजित यस कार्यक्रममा नेपाली तथा अन्य सांस्कृतिक र भाषिक विविधता (सीएएलडी) समुदायका महिलाहरूको उल्लेखनीय उपस्थिति रहेको थियो ।

कार्यक्रममा नेपाली बहुसांस्कृतिक प्रस्तुतीहरु समेत रहेका थिए । साथै कार्यक्रममा महिलाहरूलाई आत्मनिर्भर बन्न प्रोत्साहित गर्दै विभिन्न उद्यमशीलताको अवसरबारे जानकारी प्रदान समेत प्रदान गरिएको थियो । 

कार्यक्रममा अष्ट्रेलियाका लागि नेपाली राजदूत चित्रलेखा यादव प्रमुख अतिथिका रूपमा सहभागी भएकी थिन् । एनआरएनए अष्ट्रेलियाका अध्यक्ष अनिल पोखरेल, लिभरपुल नगर परिषदकी काउन्सिलर फियोना म्याकनट, लिभरपुलका सांसद चरिश्मा कलियान्दा, नारीनिकुञ्जकी संयोजक सबला बस्नेत, नारीनिकुञ्जकीअध्यक्ष कृष्ण तिवारी, समाजसेवी रानी दिदी, नारीनिकुञ्जका बरूड काउन्सिलर सुकृति भट्ट लगायत विभिन्न संघसंस्थाका अगुवा तथा नेपाली समुदायका विशिष्ट व्यक्तित्वहरूको उल्लेखनीय उपस्थिति यस कार्यक्रममा रहेको थियो । 

कार्यक्रममा बोल्दै राजदूत चित्रलेखा यादवले महिला अधिकार, समानता, र नेतृत्वको आवश्यकतामा जोड दिँदै भनिन्,“महिलासशक्तीकरणबिना दिगो विकास सम्भव छैन। बेइजिङ महिला सम्मेलनले ल्याएको परिवर्तनलाई आत्मसात गर्दै हामी अझ सशक्तरूपमा अघि बढ्नुपर्छ।”

प्राविधिक सत्रहरुसहित खाद्यपोषणसम्बन्धि प्रशिक्षणसम्मका कार्यक्रमहरु कार्यक्रमको प्रमुख अंश पोषण, मानसिक स्वास्थ्य, र समग्र स्वास्थ्यसम्बन्धि प्राविधिक सत्रहरू रहेका थिए । जसमा विशेषज्ञहरूले आफ्ना अनुभव र अनुसन्धान प्रस्तुत गरे।

नोरेश नेशन फाउन्डेशनका अध्यक्ष एवम् खाद्य वैज्ञानिक डा. यकिन्द्र तिमिल्सिनाले खाद्य पोषण र महिलाको समग्र स्वास्थ्यसँग सम्बन्धित रहि महिलाहरूले खानपानमा ध्यान दिएर स्वस्थ जीवनशैली अपनाउने तरिकाहरू लगाएतका जानकारी प्रस्तुत गरे ।

मानसिक स्वास्थ्य र वायोमेडिकल विशेषज्ञ डा। राजु अधिकारी, मनोचिकित्सक डा। घनश्याम चापागाई,  सार्वजनिक स्वास्थ्य विशेषज्ञ मनोज खड्का लगाएतले महिलाहरूको मानसिक स्वास्थ्य र समाजमा यसको प्रभाव साथै मानसिक स्वास्थ्य सम्बन्धि समस्या र समाधानका उपायबारे महत्वपूर्ण प्रस्तुतिसँगै छलफल गरेका  थिए । 

कार्यक्रममा सामाजिक कार्यकर्ता एवम् परामर्शदाता शेर्जान डावरले महिलाहरूले नेतृत्वमा आउन स्वास्थ्य सचेतनाको आवश्यकताको विषयमा जानकारी प्रदान गरिन् । 

नारी निकुञ्ज अस्ट्रेलियाकी संस्थापक सचिव जानकी पौडेलले महिलाहरूलाई सशक्त बनाउन समाजले के कस्ता कदम चाल्न सक्छ भन्ने विषयमा आफ्ना मत राखिन् । यस छलफलका क्रममा महिलाको नेतृत्व विकास र  सशक्तिकरणबारे समेत विषय मन्थन गरिएको थियो । 

कार्यक्रममा नारी निकुन्ज अस्ट्रेलियाकी संस्थापक सचिव जनकी पौडेलद्वारा लिखित पुस्तक विमोचन समेत गरियो । पुस्तकले महिलाहरूको सशक्तिकरण र नेतृत्व विकासमा योगदान पुर्‍याउने अपेक्षा गरिएको छ।

२ सय ३४ जना सहभागी यस कार्यक्रममा १ सय ३४ जना नेपाली तथा अन्य (सीएएलडी) समुदायका महिलाहरू रहेका थिए । सहभागीहरूले कार्यक्रमबाट प्राप्त ज्ञान र अनुभवलाई अत्यन्तै उपयोगी र प्रेरणादायी भनि प्रशंसा गरेका छन् । 

नारी निकुन्ज अस्ट्रेलिया र नोरेश नेशन फाउन्डेशनको यो सहकार्यले महिलाहरूको स्वास्थ्य, पोषण र मानसिक स्वास्थ्यबारे सचेतना अभिवृद्धि गर्दै सशक्तिकरणमा महत्वपूर्ण भूमिका खेल्दै आएको छ ।