मुगु । मुगुलगायत कर्णाली प्रदेशका जिल्लाहरूमा लामो सुख्खा यामपछि पानी पर्दा किसान खुसी भएका छन्। लामो समयपछि बिहीबारबाट वर्षा हुँदा हिउँदे अन्नबाली सप्रने भन्दै किसानहरु खुसी भएका हुन् ।
शुक्रबार बिहान ४ बजे बाट पानी परेसँगै मौसम अन्धकार बनेको छ। पानी परेसँगै जिल्लामा विद्युत सेवा पनि अवरुद्ध भएको छ। लामो समयपछि पानी पर्दा बाँझो जमिन खनजोत गर्न तथा कार्तिके बाली कोदो, मकै छर्नका लागि खेतबारीमा हलो लगाउन सजिलो हुने छायाँनाथ रारा नगरपालिका वडा नं ५ का किसान दिनेश मल्लले बताए ।
मुगु जिल्ला आकाशे पानीको सिँचाइले फलफूल खेती र तरकारी उत्पादनमा राम्रो उत्पादन हुने जिल्ला भएको हुँदा कृषकहरुले फलफुलमा स्याउ, अेाखर, आरुलगाएतका बिरुवा लगाउन निकै समस्या भएको थियाे । गए राति बाट पानी पर्दा अब कृषकहरुलाई फलफूलका बिरुवा लगाउन सहज हुने भएको फलफूल कृषक मणिचन्द भामले बताए । कृषक भामका अनुसार पानी परेपछि मुगुका थुप्रै ठाउँमा भइरहेको आगलागी समेत नियन्त्रणमा आउने छ ।
