एजेन्सी । उड्नै लागेकाे यात्रुवाहक विमानमा आगलागी भएको छ । आगलागीपछि यात्रु र चालक दलका सदस्यहरू विमान बाहिर निस्कन भागदौड मच्चिएको थियो । घटना दक्षिण कोरियाको बुसानको गिम्हे अन्तर्राष्ट्रिय विमानस्थलमा मंगलवार भएकाे हाे ।

अग्नि नियन्त्रण अधिकारीहरूले सियोलबाट लगभग ३२० किलोमिटर दक्षिणपूर्वमा रहेको बुसानको विमानस्थलबाट चीनको हङकङका लागि उड्ने तयारीमा रहेकाे एयर बुसानको विमान उडान भर्नुअघि पुच्छरमा आगो लागेको बताए ।

सवार सबै १६९ यात्रु र सात चालक दलका सदस्यहरूलाई सुरक्षित बाहिर निकालिएको थियो । तीन जना घाइते भएको बताइएको छ । योनहापले विमानको पुच्छरबाट आगो शुरु भएपछि जहाजको फ्युजलेजमा फैलिएको देखिएको बताएको छ ।

तत्कालै अग्नि नियन्त्रण अधिकारीहरू पुगेर आगो पूर्ण रूपमा निभाइसकेको बताएका छन् ।