भुटानका राजा काठमाडौँमा, स्वयम्भू र बौद्धमा पूजा
काठमाडौँ । भुटानका राजा जिग्मे खेसार नाम्ग्याल वाङचुक काठमाडौँ आइपुगेका छन् । शुक्रबार बिहान उनी भारत हुँदै त्रिभुवन अन्तराष्ट्रिय विमानस्थलमा अवतरण गरेका हुन् । विमानस्थलमा परराष्ट्रमन्त्री डा. आरजू राणा देउवाले उनको स्वागत गरिन् ।
अनौपचारिक एवं निजी भ्रमणको सिलसिलामा भुटानी राजा वाङचुक काठमाडौँ आएका हुन् । उनी धार्मिक भ्रमणका लागि काठमाडौँ आएकोले कुनै औपचारिक भेटघाट तथा कार्यक्रम भने राखिएको छैन । काठमाडौँ ओर्लिएलगत्तै वाङचुक स्वयुम्भू पुगेका छन् ।
स्वयम्भू नाथको दर्शन तथा पूजाका लागि उनी विमानस्थलबाट सीधै स्वयम्भू गएका हुन् ।स्वयम्भूबाट बौद्धनाथ दर्शनमा जाने कार्यक्रम छ । त्यहाँ पनि पूजा एवं दर्शन गरिसकेर आजै करिब ३ बजेतिर राजा भुटान फर्कनेछन् । उनको सुरक्षा प्रबन्धका लागि नेपाली सेना खटिएको छ ।
प्रकाशित मिति: शुक्रबार, मंसिर २१, २०८१ १२:०५
प्रतिक्रिया दिनुहोस्
थप मुख्य समाचार
साताको लोकप्रीय
