रुपन्देही । विभिन्न बहानामा घरपरिवार र नजिकका आफन्तले भारत पु¥याएका ३ किशोरी र १ बालकको उद्धार गरी नेपाल ल्याइएको छ । 

आफन्त इण्डिया फाउण्डेसन र आफन्त नेपाल, भैरहवा शाखाले दिल्लीस्थित नेपाली दूताबास, प्रहरी–प्रशासन लगायतको सहकार्यमा उनीहरुको उद्दार गरी नेपाल ल्याएको हो । उद्दार गरिएका बालकको बुवाआमा नभएकाले जिल्ला प्रशासन कार्यालय, रुपन्देही मार्फत् उनकी दिदीको जिम्मा लगाइएको छ । 

आफन्त–इण्डिया फाउण्डेसन र आफन्त नेपाल, भैरहवा शाखाले दिल्लीस्थित नेपाली दूताबास, प्रहरी–प्रशासन लगायतको सहकार्यमा विभिन्न बहाना र प्रलोभनमा आफन्तले भारत पु¥याएका ४ जनाकाको उद्धार गरेको छ । उद्धार गरेर नेपाल ल्याइएकोमा ३ जना किशोरी र १ जना बालक छन् । 

जसमध्ये बालकको बुवाआमा नभएकाले जिल्ला प्रशासन कार्यालय, रुपन्देहीले उनकी दिदीको जिम्मा लगाइएको छ । तीनजना किशोरीलाई भने आफन्त फेला नपर्दासम्म आफन्त नेपालको चितवनस्थित सुरक्षित आवास गृहमा पठाइएको छ । 

फाउण्डेशनका उद्धार अधिकृत विनोदकुमार खातीले नजिककै आफन्तबाट उनीहरुलाई भारत पु¥याइएको र जटिल अवस्थामा उद्धार गरिएको बताएका छन् । 

आफन्त नेपालकी भैरहवा शाखा प्रमुख पद्मा आचार्यले तत्काल बुवाआमा नभेटिएका ३ किशोरीलाई सुरक्षित आवाश गृहमा राखेर शिक्षा, सीप सिकाई लगायतमा समावेस गरिने जनाइन् ।

उद्दार गरिएकाहरुमा बाँकेको नेपालगंज उपमहानगरपालिकाकी १७ वर्षीया, दार्चुलाको दुहु गाउँपालिकाकाकी १७ वर्षीया र कैलालीको टिकापुरकी १६ वर्षीया किशोरी र सर्लाही,  लालबन्दीका १२ वर्षीय बालक हुन् । नेपालगञ्जकी किशोरीको भारतको चण्डिगढ, दार्चुलाकी भोपाल, टिकापुरकी हैदरवाद र सर्लाहीका बालकको राजस्थानबाट उद्दार गरिएको हो । 

उद्धार गरिएकी मध्ये एक पीडित किशोरीले आफन्तले सानै उमेरमा विवाह गरिदिएको र हिंसा गरेर भारतमा लगेर छाडेको बताएकी छन् । किशोरीहरु घर फर्कन समेत नमानेको अवस्थामा नेपाल ल्याइएको उद्दारमा संलग्न संस्थाले जानकारी दिए । 

प्रमुख जिल्ला अधिकारी बासुदेव घिमिरेले उद्धार गरिएका किशोरीहरुलाई सकेसम्म आफन्तको जिम्मा लगाइने नभए संस्थाहरुको सहकार्यमा संरक्षण गरिने बताए । उनले भारतमा लगेर बेचविखनको जोखिममा पार्ने, हिंसा गर्ने र भारत पठाउन सहयोग गर्ने आफन्त लगायत सबैको पहिचान गरिने बताए । यसका लागि किशोरीहरुको घर रहेको सम्बन्धित जिल्ला प्रशासन र प्रहरीलाई मुद्दा दर्ता गरी आवश्यक कारबाही गर्ने पनि उनको भनाइ छ । 

भारतमा रहेका किशोरीहरुमध्ये एकजना हिंसामा परेकी थिइन् । त्यस्तै दुई जना किशोरी जोखिमपूर्ण काम गरिरेहका थिए भने अर्की किशोरी दुव्र्यसनीमा फसेकी थिइन् । त्यस्तै उद्दार गरिएका बालकलाई भने बालश्रमिकको रुपमा राखिएको थियो ।