काठमाडौँ । उपप्रधान तथा अर्थमन्त्री बिष्णुप्रसाद पौडेलले सरकार अर्थतन्त्र चलायमान बनाउन र निजी क्षेत्रको विश्वास बढाउन लागि परेको बताएका छन् । अर्थतन्त्रमा बाहिर हल्ला गरेको जस्तो अवस्था नरहेको दुई ठुला दलको सरकार भएकाले अर्थतन्त्रमा तत्काल आत्तिन नपर्ने अवस्था रहेको बताएका छन् । 

शनिवार नेपाल आर्थिक पत्रकार समाज (सेजन)को २८ औ बार्षिकोत्सवको अवसरमा आयोजित कार्यक्रमलाई सम्वोधन गदै अर्थमन्त्री पौडेलले राजनीतिक स्थिरता रहेको हुदाँ अर्थततन्त्रले पनि गति प्राप्त गर्ने बिश्वास गरे । अर्थविद तथा उद्यमी ब्यवसायीहरुले बैकको तरलताको अवस्था रहेको तर पनि ब्याजदर घट्दा पनि लगानी किन हुन सकेन भनेर अर्थमन्त्री समक्ष प्रश्न गरेका थिए । अर्थमन्त्री पौडेलले बाहिर भ्रम र हल्ला गरेजस्तो अवस्था नरहेको भन्दै लगानी गर्न र अर्थतन्त्रको विकासमा लाग्न आग्रह गरे । 

नेपाल राष्ट्र बैकका गभर्नर महाप्रसाद अधिकारीले निजी क्षेत्रले अहिलेको सहज अवस्थामा पनि लगानी किन नगरेको भन्दै ब्याजदर कम रहेको र तरलताको ब्यवस्थापन गर्न बित्तिय क्षेत्र तयार रहँदा पनि निजी क्षेत्र तयार नरहेको गुनासो पोखेको छन् । उनले समग्र आर्थिक अवस्थाको हिसावले नेपाल दक्षिण एसियामा दोस्रो स्थानमा रहेको क्रेडिट रेटिङबाट देखिएको भए पनि चूनौति भने कायमै रहेको बताए । सार्वभौम साख मूल्यांकनको अहिलेको स्तर थप राम्रो बनाउन प्रयास गर्न जरुरी रहेको उनको भनाई छ । 

मुलुकको आर्थिक र वित्तीय अवस्था विगतको भन्दा फरक नभएको कारण मौद्रिक नीतिको पहिलो त्रैमासिक समीक्षामा समेत कुनै प्रावधान संशोधन नभएको उनले बताए । त्यस्तै अर्थतन्त्र सुधारका लागि मौद्रिक नीति मात्र जिम्मेवार नभई अन्य क्षेत्रको पनि भूमिका महत्वपूर्ण रहने उनले गभर्नर अधिकारीको भनाइ छ । 

“अहिलेको स्थिति चिर्नका लागि राज्यका सबै निकायको उत्तिकै भूमिका हुन्छ, मौद्रिक नीति माथिको निर्भरता घट्नु पर्छ, यदि मौद्रिक नीतिले सही काम गरेको छ भने यसलाई चलाउनु हुँदैन,” उनले भने । 

नेपाल बैकर्स एशोसिएसनका अध्यक्ष सुनिल केसीले बैकको कर्जाको ब्याजदर घटेको र तरलताको राम्रो ब्यवस्थापन हुदाँ पनि निजी क्षेत्रको लगानी आर्कषित हुन नसकेको स्थिती प्रति टिप्पणी गरे । बैकर्स संघका अध्यक्ष केसीले निजी क्षेत्रले लगानीको लागि बिश्वस्त भएर उद्योग ब्यापारमा लगानी गर्नु पर्ने बताए ।

अर्थविद प्राध्यापक डा. अच्युत वाग्लले अर्थतन्त्रमा धेरै समस्या जटिलता भए पनि सरकार र सम्वन्धि पक्ष गम्भीर र चनाखो नभएको गुनासो गरेका छन् । अर्थशास्त्री वाग्लेले सरकारले बिदेशी मुद्राको संन्चिती र केही राम्रो तथ्याङ देखाएर मात्र अर्थतन्त्र सही बाटोमा नरहेको बताउँै अर्थतन्त्र समस्यामा परेको भन्दै सरकार र राष्ट्र बैक समक्ष प्रश्न राखेका छन् ।  राष्ट्रिय योजना आयोगका उपाध्यक्ष डा शिवराज अधिकारीले अर्थतन्त्रलाई सही बाटोमा ल्याउने काम भइरहेको र निजी क्षेत्रले सहज अवस्थामा पनि लगानी गर्न नसकेको बताए ।

कार्यक्रममा नेपाल उद्योग वाणिज्य महासघका अध्यक्ष चन्द्र प्रसाद ढकालले सरकारले लगानीको वातावरण र लगानी प्रतिको विश्वास बढाउन नसकेको भन्दै गुनासो गरे ।  नेपाल चेम्वर अफ कमर्सका अध्यक्ष कमलेश अग्रवालले अर्थतन्त्रलाई चलायमान निजी क्षेत्रको विश्वास बढाउन सक्नु पर्ने बताए । 

नेपाल उद्योग परिसंघका अध्यक्ष कमलेश कुमार अग्रवालले अर्थतन्त्र  अग्रवालले निजी क्षेत्रलाई बिश्वास गर्ने वातावरण निर्माण गर्न सरकारलाई आग्रह गरे । नेपाल आर्थिक पत्रकार समाजका अध्यक्ष सुजन वलीले मुलकको अर्थतन्त्रका विविध पक्षहरुमा अर्थ जगतका पत्रकारहरुले निर्वाह गरेको भूमिकाको चर्चा गरेका थिए । 

कार्यक्रममा सेजन अर्वाडको लागि पूर्व अध्यक्ष गजेन्द्र बिष्टको संयोजकत्वमा रहेको पुुरस्कार छर्नौट समितिले पत्रकारहरुको पुरस्कृत पत्रकारहरुको समाचार तथा रिर्पोटिङ लाई अर्वाडको लागि चयन गरेको थियो। 

सेजन अर्वाडबाट पत्रकारहरु पुरस्कृत 

नेपाल आर्थिक पत्रकार समाज (सेजन) अवार्ड २०८१ आर्थिक पत्रकार शरद ओझाले प्राप्त गरेका छन् । नेपाल आर्थिक पत्रकार समाज सेजनको २८ औ बार्षिकोत्सवको अवसरमा शनिवार उप्रधान तथा अर्थमन्त्री बिष्णु प्रसाद पौडेलले सो पुरस्कार प्रदान गरेका हुन् ।

अर्थमन्त्री विष्णु प्रसाद पौडेलले ओझालाई १ लाख पुरस्कार राशीको सो अवार्ड प्रदान गरे । ओझा क्लिकमाण्डु डटकममा कार्यरत छन् ।  बजेटमार्फत सरकारले आयकर ऐनको दफा ५७ मा गरेको हेरफेर र त्यसमा रहेको त्रुटीबारे समाचार लेखे बापत उनलाई सो पुरस्कार प्रदान गरिएको हो । 

साथै नेपाल आर्थिक पत्रकार समाजले शनिबार  विभिन्न विधामा कलम चलाउने  आर्थिक पत्रकारलाई पुरस्कृत गरेको छ । डा. भोला चालिसे लिवरल जर्नाजिलम अवार्ड सेतोपाटी डटकमका पत्रकार भागवत भट्टराईले प्राप्त गरेका छन् । सेजनले उदार अर्थतन्त्र र निजी क्षेत्रको विकासमा कलम चलाउने पत्रकारलाई डा. भोला चालिसे लिवरल जर्नालिजम अर्वाड प्रदान गर्ने गरेको छ ।

त्यसैगरी छापा माध्यम तर्फ यस बर्ष कारोबार दैनिककी कौशिला कुँवरले सेजन अर्वाड प्राप्त गरेकी छिन् । डिजिटल मिडिया तर्फको सेजन अवार्ड १२खरी डटकमका कमल धितालले प्राप्त गरेका छन् । त्यसैगरी स्व.सञ्जय न्र्याैपानेको स्मृतिमा स्थापित एक लाख राशीको फेलोसिपको लागि बिजमाण्डु डटकमका पत्रकार सुवास योञ्जनलाई छनौट गरेको छ ।

त्यसैगरी सो अवसरमा स्वं सागर घिमिरे स्मृति फुटसल प्रतियोगिताका विजेता टोलीहरुलाई समेत अर्थमन्त्री पौडेलले नगद पुरस्कार तथा प्रमाणपत्र प्रदान गरेका थिए ।