सर्लाही । सर्लाहीको सबैभन्दा बढी अतिक्रमणमा परेको वन क्षेत्रको अतिक्रमण हटाउने कार्य डिभिजन वन कार्यालय सर्लाहीले सुरु गरेको छ । 

राष्ट्रिय वन क्षेत्र अतिक्रमण गरी घर बनाउनेको संख्या यहाँ दिनहुँ बढेको छ । उत्तरको चुरे र दक्षिणका वनक्षेत्रमा स्थानीय धमाधम घर बनाएर बसेका छन् । यस क्षेत्रमा घेराबेरा गर्ने, घर बनाउने र बाली लगाउने काम तीब्र छ ।

सर्लाहीको लालबन्दी वडा नम्बर ६ का केही स्थानमा अतिक्रमण गरीएको वन क्षेत्र डिभिजन वनकार्यालय सर्लाहीले हटायको छ ।  लालबन्दी वडा नम्बर ६ का विभिन्न स्थानहरुमा वन अतिक्रमण गरि निर्माण गरिएका टहराहरुका साथै बाली लगाईयको मालवस्तु बाध्ने स्थान खाली गराइयको वन कार्यालयले जनाएको छ ।  

अतिक्रमण वन क्षेत्र खाली गराउन डिभिजन वन कार्यालय सर्लाही र सव डिभिजन वन कार्यालय लालबन्दीले सो अतिक्रमण खाली गराएको डिभिजन वन कार्यालय सर्लाहीका वन अधिकृत हिरोहीत चौधरिले जानकारी दिए ।

चौधरीका अनुसार लालबन्दी बडा नम्बर ६ का विभिन्न स्थानगरि कबिर तीन बिघा वन क्षेत्र केही समयदेखि अतिक्रमणको चपेटामा परेको र सो वन क्षेत्र वन कर्मचारी र स्थानीय सुक्षाकर्मीहरुको सहयोगमा अतिक्रमण मुक्त गरिएको डिभिजन वन कार्यालय सर्लाहीले जनायको छ । 

राष्ट्रिय वन क्षेत्रको अतिक्रमण हटाउन डिभिजन वन कार्यालय सर्लाहीले सूरु गरेको छ । सर्लाही जिल्लामा रहेका सामुदायिक र राष्ट्रिय वन क्षेत्र दिन प्रतिदिन अतिक्रमण हुन थालेपछि डिभिजन वन कार्यालय सर्लाही अतिक्रमण भएको क्षेत्र खाली गराउन  थालेको छ ।