काठमाडौं । उपनिर्वाचनको तयारी भइरहेको रुकुम –पूर्वीको पुथा उत्तरगंगा–२ को वडाध्यक्षमा माओवादी केन्द्रका उम्मेदवार निर्विरोध निर्वाचित भएका छन् ।

देशभर रिक्त रहेको स्थानीय तहहरुमा यही मंसिर १६ गते उपनिर्वाचन हुँदैछ । तर उक्त वडाध्यक्षका लागि एकमात्रै उम्मेदवारी परेपछि मुख्य निर्वाचन अधिकृतको कार्यालयले माओवादी केन्द्रका उम्मेदवार जगत घर्तीलाई निर्विरोध निर्वाचित भएको घोषणा गरेको हो ।

यसअघि एमाले र नेपाली काँग्रेसले साझा उम्मेदवारको रुपमा एमालेका जीवन रोकालाई अघि बढाएको थियो । तर उनले उम्मेदवारी फिर्ता लिएसँगै माओवादीका घर्ती निर्विरोध निर्वाचित भएका हुन् । 

स्थानीय निर्वाचन ऐन, २०७३ को दफा २५ मा एकमात्रै उम्मेदवारी परे उनैलाई स्वतः विजयी घोषणा गर्ने व्यवस्थाको उल्लेख छ ।