काठमाडौं । २०५६ देखि यताका कक्षा ११ र १२ मा अनुत्तीर्ण भएका विद्याथीले मौका परीक्षा दिन पाउने भएका छन् । २५ वर्ष अघि भर्ना भएर परीक्षामा फेल भएका कक्षा ११ र १२ का विद्यार्थीले पुनः मौका परीक्षा दिन पाउँने व्यवस्था राष्ट्रिय परीक्षा बोर्डले गर्न लागेको हो ।
राष्ट्रिय परीक्षा बोर्डले परीक्षामा अनुत्तीर्ण भएका, डी र ई ग्रेड प्राप्त गरेका र अनुपस्थित भएका विद्यार्थीले मौका परीक्षा दिन पाउँने भएका छन् । साथै स्नातक र स्नातकोत्तरका विद्यार्थीलाई पनि मौका परीक्षाको व्यवस्था गरिएको छ ।
कतिपयले काम विशेषले त कतिले परिक्षामा अनुत्तीर्ण भएर बीचमै पठाई छोडेका हुन्छन् । कारणबस बीचमै पढाई छोड्नु परेकाहरुका लागि अहिले मौका परीक्षाको सुविधा प्रदान गरिएको छ ।
परीक्षामा अनुत्र्तीण वा कुनै कारणवस परिक्षामा सहभागी हुन नपाएका पछिल्लो २५ वर्ष पुराना कक्षा ११ र १२ का विद्यार्थीका लागि मौका परीक्षा लिने तयारीे सरकारले गरेको छ ।
राष्ट्रिय परीक्षा बोर्डले एक सूचना जारी गदै २०५६ साल यताका कक्षा ११ र १२ का विद्यार्थीलाई मौका परीक्षा दिन पाउने जनाएको छ ।
मौका परीक्षामा क–कस्ले सहभागी हुन पाउँने छन् त ?
- राष्ट्रिय परीक्षा बोर्डका अनुसार रजिस्ट्रेशन नम्बरको शुुरूको अंक ५६ वा सोभन्दा बढी र ७७ वा सोभन्दा कम भएका परीक्षार्थीहरू सहभागी हुन पाउने
- जसमा २०५६ सालदेखि २०७६ सालभित्र भर्ना भई अनुत्र्तीण भएका परीक्षार्थीहरू
- अंकन प्रणालीमा कुनैपनि विषयमा अनुत्तीर्ण भएका तथा अक्षरांकन पद्धतिमा तोकिएको ग्रेड प्राप्त गर्न नसकेका विद्यार्थीहरू
- साथै प्रयोगात्मकतर्फ अनुत्तीर्ण भएका विद्यार्थीहरू पनि सहभागी हुन पाउने
मौका परीक्षामा सहभागी हुन कस्तो छ प्रावधान
- सम्बन्धित विद्यालयबाट मंसिर २७ गतेभित्र आवेदन फाराम भर्नुपर्ने
- त्यतिबेला सञ्चालनमा रहेका तर हाल खारेज भएका वा सञ्चालनमा नरहेका
विद्यालयका विद्यार्थीको हकमा बोर्डमा सोझै सम्पर्क राखेर आवेदन फाराम बुझाउन सकिने
- परीक्षा आवदेन शुल्क प्रति विद्यार्थी प्रत्येक विषयको १ हजार रुपौयाँ मंसिर २७ गते भित्र बुझाउँनु पर्ने
राष्ट्रिय परीक्षा बोर्डका अनुसार मौका परीक्षा आवेदनका लागि विद्यार्थीले आफु अनुत्तीर्ण भएको विषय तथा ग्रेड प्राप्त गर्न नसकेको विषयमा मात्र फारम भर्नुपर्ने छ । साथै आगामी मंसिर २७ गते हुने मौका परीक्षाको केन्द्र र मिति आवेदन फारामको संख्या अनुसार पछि तय गरिने समेत बोर्डले जानकारी गराएको छ।
