बाढी-पहिरोबाट हालसम्म १९२ को मृत्यु, ३० जना अझै बेपत्ता
काठमाडौँ । गत बिहीबारदेखि शनिबारसम्मकाे अविरल वर्षाका कारण भएको बाढी-पहिरो र डुबानमा परी हालसम्म १९२ को जनाको मृत्यु भएको छ । अझै भने ३० जना बेपत्ता अवस्थामा रहेका छन् ।
गृह मन्त्रालयका प्रवक्ता ऋषिराम तिवारीले १९२ काे मृत्यु भएकाे पुष्टि गर्दै ३० जना हराइरहेकाे र १९४ जना घाइते भएको जानकारी दिए ।
बाढीपहिरोपछिको खोज, उद्धार र राहतका लागि सबै सुरक्षा निकाय परिचालित भई हालसम्म करिब ४ हजार ५ सयभन्दा बढी विपद् प्रभावितको उद्धार गरिएको उनले जानकारी दिए ।
बाढीपहिरो प्रभावितलाई खाद्यान्नलगायत आपतकालीन राहत सामग्री उपलब्ध गराइएको तथा घाइतेको निःशुल्क उपचार भइरहेको जानकारी दिइएको छ । सरकारले खोज, उद्धार र राहतलाई उच्च प्राथमिकता दिएको छ । यातायात सञ्चालन गर्न अवरुद्ध राजमार्ग खोल्न पहल भइरहेको पनि प्रवक्ता तिवारीले बताए ।
प्रकाशित मिति: सोमबार, असोज १४, २०८१ ०९:४१
प्रतिक्रिया दिनुहोस्
थप मुख्य समाचार
साताको लोकप्रीय
