बाग्लुङ । बागलुङको गलकोटमा जनप्रतिनिधि सवार सरकारी दुर्घटना हुँदा ३ जनाको मृत्यु भएको छ । शुक्रबार मध्यपहाडी लोकमार्ग अन्तर्गत पर्ने गलकोट– २ भुङखानीमा सरकारी नम्बर प्लेटको  रा १ झ २०० नम्बरको गाडी दुर्घटना भएको हो ।

उक्त गाडीमा पूर्वी रुकुमको पुथा उत्तरगंगा गाउँपालिकाकी उपाध्यक्ष भूपेन्द्रा बुढा र कर्मचारी सवार रहेको बताइएको छ । दुर्घटनामा उपाध्यक्ष बुढाको मृत्यु पुष्टि भएको छ । अन्य २ मृतक र एक घाइतेको पहिचान हुन बाँकी छ ।

स्थानीय प्रहरी चौकीका अनुसार शुक्रबार बिहान पौने ९ बजेतिर उक्त पिक अप गाडी सडकबाट करिब ३ सय मिटर तल खसेको थियो । मृतकमध्ये २ जना महिला र एक पुरुष रहेका छन् ।