काठमाडौँ । लुम्बिनी प्रदेशका मुख्यमन्त्री चेतनारायण आचार्यलाई दुई तिहाइ सांसदको विश्वासको मत प्राप्त भएको छ । मंगलबार प्रदेश सभामा उनले विश्वास मत लिएका हुन् । उनको पक्षमा ७० मत र विपक्षमा ११ मत परेको छ ।

आचार्य गत साउन ७ गते मुख्यमन्त्रीमा नियुक्त भएका थिए । लुम्बिनी प्रदेश सभामा कुल ८७ सांसद रहेकोमा बहुमतका लागि ४४ सांसदको मत आवश्यक पर्छ । तर मुख्यमन्त्री आचार्यले भने दुई तिहाइ बहुमत नै प्राप्त गरेका छन् । 

नेपाली काँग्रेस लगायत दलहरुको समर्थन पाएका मुख्यमन्त्री आचार्य एमाले संसदीय दलका नेता हुन् । मुख्यमन्त्री नियुक्त हुँदा उनी एमाले संसदीय दलको उपनेता मात्रै थिए । तर हालै मात्र एमालेले उनलाई संसदीय दलको नेता चयन गरेको हो ।