शरणार्थी प्रकरणका अभियुक्त बेचन झा थुनामा
काठमाडौँ । नक्कली भुटानी शरणार्थी प्रकरणमा पक्राउ परेका बेचन झालाई काठमाडौँ जिल्ला अदालतले थुनामा पठाउने आदेश दिएको छ ।
आइतबार जिल्ला न्यायाधीश तीर्थराज केसीको इजलासले झालाई धरौटीमा रिहा गर्न अस्वीकार गरेको हो । झालाई थप अनुसन्धान (पुर्पक्ष)का लागि थुनामा पठाउने न्यायाधीश केसीको आदेश छ ।
नक्कली भुटानी शरणार्थी बनाएर नेपाली नागरिकलाई अमेरिका पठाउने धन्दामा संलग्न रहेको आरोपमा झा डेढ महिनाअघि पक्राउ परेका थिए । उनलाई ठगी, लिखत किर्ते, राज्यविरुद्ध अपराध र सङ्गठित अपराधसम्बन्धी कसुरमा प्रतिवादी बनाएर जिल्ला अदालतमा मुद्दा दायर गरिएको थियो ।
झाका वकिलहरुले शुक्रबार उनलाई धरौटीमा छाड्नुपर्ने भन्दै बहस गरेका थिए । तर अदालतले गम्भीर प्रकृति अपराध देखिएकाले धरौटीमा छाड्न मानेन ।
प्रकाशित मिति: आइतबार, भदौ २, २०८१ १६:१०
प्रतिक्रिया दिनुहोस्
थप मुख्य समाचार
साताको लोकप्रीय
