काठमाडौं । ललितपुरको गोदावरी नगरपालिकाका मेयर गजेन्द्र महर्जन र उपमेयर मुना अधिकारीसहित १४ जनाले भ्रष्टाचार मुद्दामा सफाइ पाएका छन् ।
दुई महिनाअघि अख्तियार दुरुपयोग अनुसन्धान आयोगले उनीहरूविरुद्ध लगाएको भ्रष्टाचार मुद्दामा विशेष अदालतका अध्यक्ष न्यायाधीश टेकनारायण कुँवर, सदस्य न्यायाधीशहरू तेजनारायण सिंह राई र रितेन्द्र थापाको इजलासले सफाइ दिएको हो ।
गोदावरीको ढुङ्गा–गिटी बिक्री÷वितरण गर्दा सरकारी दररेट भन्दा कम गरी सरकारलाई एक अर्ब चार करोड ८७ लाख ४५ हजार रुपैयाँ हानी\नोक्सानी पु¥याएको भन्दै अख्तियारले मुद्दा दायर गरेको थियो । तर अदालतले मेयर, उपमेयर, प्रशासकीय अधिकृतलगायतले कानूनअनुसार नै राजस्व उठाएको देखिएको भन्दै अख्तियारको दाबी नपुग्ने फैसला गरेको हो ।
प्रदेश कानूनले तोकेभन्दा कम राजस्व लिने गरी नगरपालिकाले कानून बनाएको अख्तियारको दाबी थियो । नगरपालिकाले कानूनअनुसारको निकासी शुल्क लिनु भ्रष्टाचार निवारण ऐनको दफा ७ (ख) को कसुर नहुने विशेष अदालतको फैसलामा उल्लेख छ ।
