काठमाडौं । चिकित्सा बिज्ञान राष्ट्रिय प्रतिष्ठान अन्तरगत काठमाडौंको मुटुमा रहेको ट्रमा सेन्टरमा ५ वटा अत्याधुनिक मोडुळर अपरेसन थिएटर संचालनमा आएका छन्। म्याक्सिम इन्कर्पोरेसन टेडर्स प्रालीले निर्माण ठेक्का पाएर निर्माण सम्पन्न भएका अत्याधुनिक मोडुलर अपरेसन थिएटरको हालै स्वास्थ्य तथा जनसंख्या मंत्री प्रदिप पौडेलले उद्घाटन गरेका छन्।

दक्षता शुद्दता र सुरक्षा जस्ता मान्यतामा निर्माण गरिएका यी मोडुलर अपरेसन ठिएटर (National Accreditation Board for Hospitals & Healthcare Providers, NABH )  को मापदण्ड अनुसार निर्माण गरिएको छ। जसमा सम्पुर्ण ढोकाहरु बाहिरी बातावरण बाट हुन सक्ने जोखिम नियन्त्रण गर्ने इन्सुलेटेड ढोका त्यसैगरी ब्याक्टेरियोस्टेटिक फ्लोरहरू, लामिनार एयरफ्लोको उचित स्थिति, आधुनिक अपरेटिंग टेबलहरू, हावा फिल्टर प्रणालीहरू जस्ता अत्याधुनिक प्रबिधि समावेश गरेर मोडूलर अपरेसन थिएटर निर्माण गरिएकोछ।  

ट्रमा सेन्टरमा निर्माण गरिएको मोड्युलर अपरेशन थिएटरमा मेडिकल ग्यास पाइपलाइन प्रणाली, फ्लेक्सिबल लाइट प्यान्डन्टहरू, सर्जन प्यानलमा सही नियन्त्रणहरू, स्क्रब स्टेशनहरू, र युटिलिटी प्यान्डन्टहरू पनि अत्याधुनिक प्रयोग गरिएकोछ यसले मोड्युलर अपरेशन थिएटरले शल्यक्रियाको गुणस्तरलाई उल्लेखनीय रूपमा वृद्धि गर्न मद्दत गर्छ जसबाट बिरामीको स्नक्रमण हुने चान्स कम र बाच्ने चान्स बढी हुन् जान्छ।  

 ट्रमा सेन्टरमा मोडुलर ओटी निर्माण गर्दा  अपनाइएको नॊ टच प्रविधि (No-Touch Technique) ले शल्यक्रियाका क्रममा संक्रमणको जोखिमलाई कम गर्छ र स्वच्छता कायम राख्नमा योगदान पुर्याउँछ। यसका अतिरिक्त, मोड्युलर अपरेशन थिएटरले शल्यक्रियाको संख्या बढाउनमा सहयोग पुर्याउँछ, जसले गर्दा अपरेसनको पर्खाइमा रहेका बिरामीहरूको सूची कम गर्न सम्भव बनाउँछ। यसरी, यो आधुनिक प्रणालीले सम्पूर्ण शल्यक्रिया प्रक्रियाको दक्षता र प्रभावशीलता सुधार्न महत्त्वपूर्ण भूमिका खेल्दछ।

त्यसैगरी मोड्युलर अपरेटिंग प्रणालीहरूले संक्रमण नियन्त्रणमा महत्त्वपूर्ण भूमिका खेल्छन्, विशेष गरी इम्प्लान्ट-संबंधित सर्जरीहरूमा। लिडवेल आदिको अध्ययनले Laminar Air Flow  (LAF ) प्रणालीले सबैभन्दा कम संक्रमण दर र हावामा सबैभन्दा कम ब्याक्टेरिया-वाहक कणहरू सम्बन्धित भएको पाएकोले यो बिधि अपरेसनको लागी थप सुरक्षित मानिन्छ।

यहा निर्माण गरिएको मोडुलर ओटीमा  LAF प्रणालीको अतिरिक्त,उच्च-गुणस्तरको ग्लास प्यानल  र स्टेनलेस स्टील प्यानलहरू प्रयोग गरिएकोछ जसले न्यूनतम मर्मत खर्च बढी सुरक्षा कम संक्रमणको ग्यारेण्टी गरेको हुन्छ। सरकारी अस्पतालहरु मध्ये पहिलो पटक ट्रमा सेन्टरले ग्लास र स्टील प्यानल सहितको अत्याधुनिक मोडूलर अपरेसन संचालनमा ल्याएको हो।

यो मोडुलर ओटिको महत्वपूर्ण बिशेषता भनेको अपरेसन कक्षमा ब्याक्टेरिया उत्पादनलाई कम गर्नु स्वच्छ हावा प्रबाह गर्नु अत्याधुनिक सल्यक्रिया सामाग्री र बातावरणीय सल्यक्रिया कक्ष हुनुनै हो।